業主睇淡樓市蝕讓深水埗AVA 61 投資客380萬「平執」一房戶收租（有相）
日期：2022-11-30
樓市仍未見曙光，樓價持續下跌，有業主睇淡樓市，不惜蝕讓沽貨套現，即有投資客看準減價時機，以380萬元購入深水埗AVA 61一房單位作收租用途。
深水埗半新樓AVA 61，臨近深水埗站，實用面積介乎150至232方呎，主打開放式至一房單位。鴻發地產物業營業總經理梁文楓表示，成交單位為AVA 61中層A室，實用面積232方呎，一房間隔，向東南，為特色大單邊單位，望開揚市景，有煙花景，附設原裝發展商傢俬裝修。單位於今年5月放盤，原叫價548萬元，因原業主睇淡樓市，急於沽貨套現，一再減價，最後累減168萬元至380萬元沽出，實用面積呎價16,379元。
梁文楓補充，同類A室單位在今年4月以540萬元成交，實用面積呎價高達23,176元，成交價更比上址高約30%。而上址造價在2021年僅能買到屋苑的開放式單位，翻查資料，屋苑中高層E室，上年7月以370萬元獲承接，實用面積161方呎，採開放式間隔。
據了解，原業主於2017年以484萬元買入單位，持貨約5年，現沽出賬面蝕104萬元，單位貶值約21%。新買家則為投資客，眼見業主減價，預料單位出租回報率高，所以即時入市用作收租投資。
