點解科技巨頭投放咁多budget落AI機械人?

 

世界衛生組織推算去到2050年，全球人口中有22%係60歲以上人士，Elon Musk 更喺twitter 度話: “Population collapse due to low birth rates is a much bigger risk to civilization than global warming.”(意譯: 低生育率令人類文明崩解嘅危機大於全球暖化)高瞻遠矚嘅人都好在意人口老化問題，因而研發替代低技術、沉悶或厭惡性工作嘅機械人。

豐田：主打家務機械人、陪伴機械人

豐田產業研究所（Toyota Research Institute，TRI）向來喺機械人產業都佔一重要席地，最新展示嘅家務機械人巴士男孩（Busboy），比普通機械人技能要多，除咗一般家務（抹枱、擦地），更可以辨識到透明、反射嘅物體表面，同埋自拍添。

 

突破進展：處理到透明同反光物件

 

TRI指出，人類可輕易辨別何為實際物體及反射物體，但係大部分機械人程式只識得對面前嘅物體直接反應，無法分辨實際或反射物體，對玻璃枱、透明杯等物品感到困惑而被愚弄。

因此，豐田產業研究所機械人專家就專注訓練機械人，感測幾何形狀、物體同埋表面。專家以3D方式實時睇住機器人睇緊咩，再教導機器人執行各種任務（例如抓取物品、開閂門等），並注釋呢個行為，將場景嘅各個部分同行為串連，例如「雪櫃門」係要「握住手柄」再「打開」，通過呢種方式去教機械人做嘢。

「杯子機械人」 識講笑傾偈記住用家喜好

 

Kirobo Mini體積細小，只有10cm高，佢識睇表情、記低用家喜好、亦可辨別去過嘅地方，仲識因唔同場景俾唔同反應添，例如用家突然剎車，Kirobo就會驚呼「嚇死人喇」，非常有趣。

 

(片:https://www.youtube.com/watch?time_continue=6&v=5P2KuRRGhJA&feature=emb_logo)

小米：人型仿生機械人  感知人類45種語義情緒

小米作為中國科技巨頭亦不甘後人，今年８月推出機械人CyberOne，初步就功能上嚟睇，CyberOne嘅目標係照顧人類嘅情感需要、以人類語言交流為主，而唔係起居生活上協助人類。

 

小米機械人CyberOne，花名鐵大，外型仿照人型身高1.77米，體重52kg（114磅)，臉部採用曲面OLED面板，配備Mi Sense視覺空間系統，據指可重建3D世界嘅真實影像，再經過3D重建演算法分析環境，CyberOne對於8 米內嘅深度資訊做出極準確嘅精度；CyberOne設置兩個收音咪，據稱可以從人類嘅聲音同表情中感知識別出45種語義情緒、分辨出85種環境語義，綜合利用聽覺、視覺同埋顯示模組完成交流。

 

(片: https://twitter.com/leijun/status/1557720705747210242?ref_src=twsrc%5Etfw%7Ctwcamp%5Etweetembed%7Ctwterm%5E1557720705747210242%7Ctwgr%5Ehb_0_10%7Ctwcon%5Es1_&ref_url=https%3A%2F%2Fchinese.engadget.com%2Fxiaomi-cyberone-robot-145723279.html)

 

運動性能方面，步行速度為每小時3.6公里，全身有13個關節、5種關節驅動同埋21個驅動模組，可協調運動21個關節自由度。影片可見，除咗行走，仲可以做到送花、同埋擺pose俾人影相。留意返，鐵大造價大約70萬港幣。

Tesla: 機械人可大量重複或處理危險工作

 

Tesla bot叫做Optimus Subprime，身高五尺八吋、重 125 磅，可舉起 150 磅重量，佢嘅工用係執行「消除危險、無聊同埋重複性工作」，以便人類能夠更投入在其本身工作。據講呢款機械人將會率先應用喺Tesla工廠度。

 

 

總結: 豐田完勝?

到目前為止，Tesla bot 未見到，小米機械人仲喺起步階段，而豐田機械人已經可以做到家務，所以現階段可以話豐田遙遙領先，但值得留意嘅係，豐田機械人同另外兩間公司行嘅路好唔同，佢嘅外型無仿照人體而設計，好似用輪行走、放喺車杯架等，此等設計對未來發展係優勢定係挑戰呢? 我地拭目以待。