冬暖夏涼

MEGIVO Sommer TYPE-II 全天候體溫冷暖調節器

 

呢款係本港品牌MEGIVO嘅產品，掛喺頸度使用，主要物料係矽膠。佢嘅特點係可以調節冷熱6種溫度，夏天同冬天都用到；設有靜音模式，電量仲可以連續使用兩個鐘添！顏色選擇有軍藍、銀白及粉紅３種，可以話男女老幼都啱用。

唔單止吹風咁簡單

Mobilesteri x IDI 專利頸掛式冰感製冷風扇

 

呢款掛頸風扇有別於一般風扇，佢有致冷晶片同埋頸背冷凍板，有助吸收人體熱能快速降溫，同時利用風扇吸入外面空氣，配合半導體製冷後，再藉由鋁塊將冷感傳俾皮膚，實現降溫 ，再將人體產生嘅熱能由側風口排出，令到用家即時覺得冰涼！官方指致冷晶片啟動約20秒 ，可達到５度的降溫效果；而喺叉電3-4小時後，更可連續使用3小時，如果淨係開風扇唔開冷感，更加可以用到8小時，非常適合需要長時間喺戶外嘅朋友。

涼得好爽又夠耐

Sony REON POCKET 3

 

Sony 推出嘅REON POCKET 係穿戴式冷暖調溫機，有發熱模組同埋散熱機制，可以直接為機身接觸到的身體部位帶來清涼或温暖觸感，第三代新增嘅“SMART COOL MODE”功能，可以通過傳感技術，自動調節冷卻溫度以適應用家嘅活動同環境。另外，佢嘅電池續航力亦比上一代提高 2 倍，吸熱效能亦提高咗1.5 倍 ！用家仲可以透過智能手機應用程式，設定個人喜好嘅温度添。

 

 

降溫17℃唔係講笑

Thanko Neck cooler Slim 頸部冷卻器

 

呢款係日本品牌 Thanko嘅第5代頸部冷卻器，設有左、右冷卻板設計，透過帕爾帖（Peltier）半導體製冷，官方指最高可以達到破紀錄 -17℃嘅冰凍效果。充電後可無線使用，亦可透過Type-C充電線連接power bank長時間使用。更設有強/弱交替模式避免出現麻痺感、同埋安全扣鎖，方便用家。

簡單平價之選

Spray Fan霧化電風扇

 

呢款電風扇睇落好似傳統風扇，但原來佢有特別降溫功能——噴霧保濕，一邊以霧化水珠降溫，一邊以風扇吹風，網上建議呢類設計可以採用礦泉水嚟霧化，自行加添護膚功能。風扇同噴霧功能可以分開控制，隨當時環境需要而轉換。風扇設有三段風速，可使用USB充電。

 

吹住背脊 唔使衣服癡笠笠

Upgraded Portable Waist Clip Fan/Necklace Fan 便攜式夾腰/掛頸風扇

 

呢款風扇最大特點係除左掛頸之外，仲可以夾喺腰間，令到背脊或心口感到涼快，設有3 段風速。另一特點係可以做LED手電筒嘅照明功能，方便夜間或昏暗環境工作/活動人士。其電池壽命特長，容量為 12000Mah ,可用達24 小時！

戶外冷氣機

Ontel Arctic Air Pure Chill 2.0 蒸發式空氣冷卻器

 

呢款蒸發式空氣冷卻器係採用 Hydro-Chill 技術，吸入熱空氣，再噴出冷空氣製造冷風，另外仲有加濕功能，令到空氣變得濕潤清涼，設有4段風速供用家調節；內建 LED夜燈，共有 7 種顏色選擇。充電後最高可以用到10小時！不過留意返，呢個裝置嘅尺寸較大(6.3 x 7.48 x 9.76 英吋)，行走之間帶住佢就無咁方便喇。