家長懶人包 復課必備潮物你預備好未？

一）兒童智能手錶

智能手錶大人細路都常有，同大人版唔同，細路版首要有一大功能，就係GPS定位，可以俾家長隨時知道仔女喺邊度。早年本港曾有位患自閉症嘅7歲男童走失，佢爸爸就係憑住GPS定位成功搵返個仔。

 

市面上兒童智能手錶五花百門，價錢由二百多至四千多蚊都有，筆者建議可以揀選款式、時間顯示功能、GPS定位功能之外，都重點睇睇有咩其他功能，包括1) 配合手機apps使用、2) 雙向通話、3) 訊息發送4) 叉電後可以用幾耐等等，家長可因應仔女嘅需要而揀合適嘅智能手錶。

二) 智能兒童學習翻譯筆

 

家長做細路仔嘅年代，好多人都必備「快譯通」，輸入英文生字，會翻譯為中文解釋，但因為太麻煩通常買完都唔多用。而家呢個新世代嘅翻譯產品，已經先進到有「智能兒童學習翻譯筆」喇!

 

用家只要將翻譯筆嘅筆頭掃瞄你想翻譯嘅部分，翻譯筆就可以即時讀出原文，並且喺筆身位置同時顯示原文及你想翻譯嘅語言。

 

翻譯筆市面有好多種，一般可以留意：1) 離線及在線翻譯嘅語言種類、數量  2)讀字嘅口音係咩口音(例如英文口音係英式定 美式)  3)收音咪測試用家覆讀功能 4) 觸控屏幕清晰度 等等。希望可以令小朋友愛上學習外語！

三) 無味電子驅蚊手環

 

學校咁耐無對外開放，可能已經大量滋生蚊蟲! 家長當然要為小朋友做足防護措施，等佢地喺操場同好耐無見嘅朋友仔玩得盡興！

 

市面上好多無味電子驅蚊手環，家長留意產地之外，都可以留意唔同功能，包括1) 是否對人體或寵物無害 2) 驅蚊技術(如音波?無味氣體?)  3) 覆蓋範圍 4)建議配帶地方 5)可用幾耐  6) 驅蚊狀態顯示 7)可否換芯等等。

 

四) 防疫用品: 智能體温計、迷你隨身霧化消毒噴霧機

 

雖說疫情放緩學生先返得學，但係家長都想仔女更加安全，因此都少不免預備定防疫用品，好似智能温度計、迷你隨身霧化消毒噴霧機咁。

 

家長可以用智能體温計，喺小朋友返學之前就量定體溫，令自己同其他人都安心。可以留意嘅功能係： 1) 免接觸/入耳式 2) 年齡選擇功能 3) 華氏/攝氏顯示 4) 發燒指示功能 5) 自動開關功能等等。

 

而迷你隨身霧化消毒噴霧機，就係俾小朋友帶返學，可以適度用喺需要消毒嘅地方。不過家長都留意返，小朋友適度接觸唔同嘅物件及環境，可以增強佢地自身抵抗力架!

 

迷你隨身霧化消毒噴霧機可留意嘅功能係：1) 消毒液/酒精儲存量 2)機身重量、大細 3)霧化粒子大細 4)叉電方式 等。