蘇慧音全家總動員睇樓 蘇爸蘇媽多年寧租不買原因何在？
日期：2022-02-14
睇左咁多細單位，我地發現蘇慧音(Minnie)一家住緊的單位，係長租多年，於是今集代理帶埋蘇氏一家大細，走入大埔睇獨立屋！
點解？唔係錢多身痕，而係蘇媽媽愛龜情切，因為龜龜大左冇地方走動，於是想搬去獨立屋，等啲龜龜同狗狗可以日日放電！佢地一家除左係乒乓世家外，全家人原來係愛動物仲多過愛自己！
不過，啲獨立屋閒閒地都講緊五六萬一個月租，咁點解唔買呢？原來都有段故，話說N年前，曾經兩次賣樓賺過錢嘅蘇家，去到第三間屋，居然要蝕住賣，之後仲錯失埋一次平平地上番車機會。唔知係咪因為咁而「嚇窒左」，令到蘇媽媽冇乜信心再上車。
踏入2022年，作為大淡友嘅蘇媽又會點睇今年樓市？蘇家姐今次因乜解究，係咁串老豆同細妹呢？即刻睇今集《蘇Mi點上車》喇！
【買樓心大心細 蘇慧音自爆身家有幾多?】
【搵樓搵到入將軍澳 蘇氏姊妹由恨變愛?】
