【湯文亮專欄】租靚單位自住 買靚舖收租

有老友本身有幾個中小型單位，現在想買一個大型單位，他亦不介意付15%特別印花稅，亦願意付高於市價樓價，但始終買不到高層靚單位。不過，高層靚單位的租盤有很多，但是他不想租樓，迫於無奈，唯有買一個同一幢大廈的低層單位，在買之前循例問我意見，對於其他人買樓，我本來不應該給予意見，但今次例外，因為我的意見可能用得著。

同老友講，新冠肺炎疫情令香港封關，零售業生意大減，影響到舖位價錢大跌，現在何不考慮買靚舖收租，所得租金可以用作租高層單位，這樣做就不用強迫自己買低層住宅，而且只需付8.5%印花稅，不用付15%那麽多。不過，就要擔心商舖價錢繼續下跌，但我認為博得過，不少舖位已經下跌超過三成，再大跌機會不大，甚至比住宅單位下跌機會小得多。如果香港開關，遊客可以再度來港，舖位價錢又會上升，所以，如果要住高層靚樓，不妨考慮買舖收租，租高層靚樓，不但可以住高層靚樓，隨時賺埋舖位升值，一舉兩得，何樂而不為。

作者為紀惠集團行政總裁湯文亮