買家網上搵樓芊紅居 「一擊即中」635萬買入靚裝2房

夾屋芊紅居向來少放盤，有區內客透過網上平台，一見有屋苑放盤，即約代理睇樓，立即一擊即中，睇樓一次，2日後落票，以635萬元購入2房單位，呎價1.46萬元。

利嘉閣地產葵涌廣場一行首席聯席董事陳志傑表示，該行旗下客戶經理陳偉健透過集團真盤源網站，促成葵涌夾屋芊紅居單位。陳偉健表示，客戶物色兩年前開始葵涌區單位，有參觀過新葵芳花園等物業，惟一直心儀夾屋芊紅居，其後客戶在網站見有放盤，即聯絡睇樓，單位內籠企理靚裝，相隔2天即落票，隨即以635萬元於自由市場購入2座極低層D室，實用面積432方呎，建築面積約567方呎，採兩房間隔，外望內園景，實用面積呎價約14,699元。

據悉，原業主於2016年7月，以約380萬元連補地價購入上述單位，持貨約5年，是次轉手帳面賺約255萬元，升值約67%。