明年樓市不會平穩發展

近日俾不少人問及明年樓市的走勢如何，最安全亦最多人答的答案就是平穩發展，其實，這個答案的機率很低，我自己睇法，明年樓市不是大升就是大跌，不會平穩發展，我相信很多專家不同意，但事實將會證明我的講法是沒有錯。

一般來說，在中央放寛優才專才等移居香港的人情況下，樓宇需求量大增，而地產商已經停止投地，在供應有限之下，樓價上升是很正常，但最怕中央政府見到地產商唔願意投地而收緊移居香港的人數，與此同時，移民潮又再次出現，樓價有機會大跌，不過，不過，這個機率不大，因為地產商要做生意，唔會唔投地，唔會同自己荷包作對。

有人話，最近中大做了一個調查，顯示有250萬人打算移民離開香港，有咁多人離開，香港樓價點解唔會大跌，原來，中大訪問了700幾人，有三分一話有打算離開香港，而香港有700幾萬人，如此推算，香港有250萬人打算離開香港，外媒亦有報道，不過，外媒話中大訪問了700幾個人，有三分一打算移民離開香港，並沒有話有250萬人離開，兩者的分別是很大的。

如果真係有咁多人離開，樓宇空置率一定會上升，租金下跌，最近彭博預測香港明年住宅的空置率下降至4%以下，租金則上升5%，相信冇人見過一個城市的住宅空置率下跌，租金上升，而樓價下跌，所以，明年樓價上升10%並不是夢，如果升10%，可以講樓市並不是平穩發展。

不過世事無絕對，如果出現一些不可抗力事件，唔好講打仗或者恐襲咁大件事，就算大家預期的減息，結果是美聯儲局不減反加，香港樓市一定會受到影響，下跌10%絕不出其，所以明年樓市按正常情況就會上升超過10%，遇上不可抗力事件就會下跌，不會平穩發展。