賣了樓的人很容易由贏家變輸家
有不少業主在這兩年賣了自住單位，見到現在樓價跌了20 ％，而租用的單位又差不多到期，打算再買返一個住宅單位，如果有很多錢做首期，甚至可以full paid，買樓的確唔難，但如果要問銀行借錢，便會發覺現在很難買樓，因為銀行貸款要求相當高，賣了樓的業主未必符合資格，到最後唯有繼續租樓，如果樓市反彈，他們隨時會由贏家變輸家，就算現在有盈利都只是紙上富貴，打算賣樓的人真係要三思而後行。
很多人唔明白，銀行都要做生意，按揭生意是最安全，問銀行借錢買樓有什麼困難，在正常情況下是沒有錯，但銀行並不是一年365日都會借錢俾人買樓，一般來說，在年初比較積極，導致樓市會出現少陽春，但今年比較困難，唔好講第一季，甚至全年都很難問銀行借錢買樓，所以，即使賣了樓的人見到一個荀盤，買下來就是一個贏家，但最後會發覺借唔到錢，變成蜑家難見水，有得睇冇得飲。
| 各區最新放盤應有盡有 |
