不應睇淡2024年樓市
2023年樓市雖然只是跌了6%，但已經令到很多人非常失望，因為大多數評論員認為樓市在疫情完結，香港解封之後，一定會有顯著升幅，但可惜虎頭蛇尾，樓價只是升了5個月，由6月開始一直下跌，不過，租金則反其道而行，一直保持上升之勢，而事實上租金亦是反映樓價一個重要因素．租金上升，樓價不會下跌，就算下跌都只是暫時性的，如果今年租金能夠保持，樓價亦很難繼續下跌。
2023年太多人睇錯樓市，包括小弟在內，主要原因是有太多未可預料因素，首先是美國暴力加息，好彩有美國銀行執笠，否則美聯儲局都唔會收手，對樓市不利影響更大。今年是美國總統選舉年，按慣例不但不會加息，甚至會快速減息，這是現任總統的特權，拜登唔會唔用，否則他想連任都幾難。
香港業主有一個夢想，就是在解封之後，政府會撤銷辣招，原來大家都估錯晒，政府受到民粹意見影響，不但不敢撤辣，甚至連放寛內地人買樓的專才稅也不敢，政府做法很難令人理解，一方面搶人才，另一方面要求專才繳付30 ％印花稅，如此口是心非政策，邊度會有專才嚟香港，到第四季政府才半撤辣，先免後徵專才印花稅，同時重新啓動投資移民計劃，有購買能力的需求大幅增加，對樓市有正面影響。
令樓市下跌另一個主要因素，就是銀行整年不但不積極放貸，而且向財政緊絀的按揭客戶追數，令到有不少業主要賣樓還貸，銀行追數對樓市一定有負面影響，但好彩影響亦不大，大致上已經穩定下來，銀行始終都要做生意，唔通今年仲唔借錢俾人買樓，當銀行放貸，利息下降，國內專才或者投資移民在香港買樓，樓價點會唔升，最後一句是不宜睇淡今年樓市。
| 各區最新放盤應有盡有 |
