銀行唔鍾意借錢俾話生意難做的人
在聖誕假期期間，與幾個老銀行家食晚飯，有銀行家話，時代變了，以往做生意的人對外講及生意的時候，除非真係好差，否則很少講生意難做，最多話很辛苦，仍然有得做，他們知道，銀行是不會借錢俾話生意難做的人，因為銀行借了錢俾那些人，最後生意唔掂，冇錢還，那些人就會話早已講過生意難做，銀行借錢俾他們當然是有風險，所以，老銀行家唔明白點解飲食界話聖誕期間，市民北上消費，令平安夜生意額下跌一成，其實，出外旅遊代表市民有閒錢消費，雖然聖經節不在香港，但平日仍然會留港消費，應該是一個好消息，講得咁差，小心銀行唔借錢俾飲食界。
有銀行家問我，市場上所有分析員，不是物業代理，都異口同聲話明年樓價會繼續下跌，我差不多是唯一一個睇好樓市的評論員，我話有兩個理由，首先，我的確認為樓市股市明年都不會太差，有多少苦盡甘來的味道，至於箇中道理我稍後再詳細解釋，而第二個理由就是銀行見到連我都睇淡樓市，更加唔會咁輕易借錢俾人買樓，既然有咁多人睇淡樓市，有一個人唱反調也是好的。
| 各區最新放盤應有盡有 |
