政府好快就會後悔唔一早撤辣
有老友問點解到今日政府仍然唔肯撤辣，甚至未有考慮撤辣，我話政府官員有一個錯覺，以為辣招可以增加稅收，如果撤辣就即是同庫房作對，所以，所有官員從來唔會講幾時撤辣，或者在什麼情況下撤辣，但如果官員知道，辣招原來令政府收少很多稅，咁就唔同講法，或者會立刻撤辣。
究竟政府官員知唔知道辣招令政府收少很多稅，我問過一位初級官員，佢話絕對知道，不過大家都唔講，不但唔講，仲在有意無意之間教育市民，辣招令政府增加稅收，如果撤辣，政府一定有損失，在潛移默化之下，大多數市民不同意政府撤辣，尤其是那些冇樓又唔打算買樓的市民，撤辣令稅收減少，直接令他們的福利減少，政府有咁大族群支持，想撤辣都難。
由於非香港人與用有限公司買住宅單位的人都是要繳付30 ％印花稅，所以，愈來愈少人用私人名義買樓，當某一日那些業主要賣樓的時候，買家只需要付大約樓0.1%公司轉讓印花稅，而非30%非香港人買樓特別印花稅，兩者相差300倍，雖然用公司股權轉讓來買賣物業是有很大風險，但在巨額印花稅之下，仍然值得一博，而現在已經有很多人以公司股權轉讓形式買賣物業，令到政府物業買賣印花稅收入大幅減少，不但收唔到30 ％辣招稅，連正常4.25 ％都收唔到，唔通官員唔知道，當然唔係，不過，官員們已不變應萬變而已，但到了政府要解釋點解印花稅大幅下降時，官員們就會後悔點解唔一早撤辣。
| 即時睇全港各區更多筍盤 |
