無人機主打配送：食物、藥物

 

一般無人機可以載嘅貨物都唔會太重，以Alphabet 旗下嘅初創公司Wing為例， 攜帶貨品載重上限為 1.5 kg。而無人機嘅優點係快，因為可以避開哂地面所有人、車、大樓、樹等，Wing話佢地研發嘅無人機可以喺 6 分鐘內行 6 英里（約 9.66 公里），將包裹準確送至客戶手上。

 

 

Alphabet 子公司 Wing 嘅科創團隊源自 Google 秘密實驗室「Google X」，當初成立目的就係無人機送貨服務，十年磨劍終於喺2019正式投入商業服務，主要喺美國、澳洲同芬蘭三個國家運營，其中喺澳洲嘅洛根市（Logan）更取得亮麗成績——3年總計100,000筆訂單中，有超過50,000筆喺洛根市成交。

 

美團無人機外賣：十五分鐘內送到

 

美團同Wing 唔同，為無人機製定指定外賣航綫，客人喺指定地點落單後，無人機會帶住貨物飛到該地點嘅停機坪，貨物經自動化運輸設備，送到指定智能取餐櫃。

(p6-9)

 

美團指出，3 km範圍內可喺15分鐘內送到，現時已經喺深圳、杭州嘅社區試行無人機物流送餐。

港產無人機科學園試送外賣

美心食品有限公同XDynamics合作，曾喺科學園運送 7 吋薄餅連外盒(負重約300 克)，無人機預定由科學園三期大廣場出發，沿河道飛往俗稱「金蛋」嘅高錕會議中心，全程長約 200 米，飛行需時約半分鐘；但當時因大雨而未能飛足全程，只做到示範短程飛行同埋起降。

對比返3種無人機嘅速度， Wing 無人機比其他無人機更加快、穩、準，究竟點做到嘅呢？

 

1)     滑翔機+直升飛機嘅綜合體

Wing無人機嘅機身左右唔單止分別有6個懸停旋翼，仲有機翼同兩個巡航旋翼，令無人機可以垂直升降同埋懸停，又可以喺橫向飛行時平穩巡航

2)     製作材料：發泡膠

為咗降低無人機意外墜落對人嘅傷害，Wing嘅機身用咗發泡膠包裹，重量好輕，即使跌落都唔會咁易傷到人

3)     以繩索送貨
Wing無人機嘅機身下方有個收縮繩索嘅裝置，用嚟投放貨物，用戶唔會接觸到無人機，亦避免咗飛機升降可能存在嘅安全隱患

一於去片睇睇：https://youtu.be/VOFxsFhEXoU

Tech實你 無人機 外賣 美團 Wing